Кошаркарите на Мајами Хит им нанесоа тежок пораз на Лука Дончиќ и неговиот Далас со 125:110, што претставува и прв пораз на домашен терен оваа сезона за составот од Тексас. На домаќините не им помогна ниту овогодинешниот шутерски рекорд на Дончиќ, откако мечот го заврши со 33 поени.
Кај Далас синоќа потфрли резервната клупа, која постигна само 19 поени. Хиро со 25 и Батлер со 23 поени го предводеа Мајами до шестата победа од почетокот на сезоната.
Феникс на домашен терен го победи Њу Орлеанс со 112:100, кој сезонава се уште не може да смета на Зион Вилијамсон, а овојпат поради здравствени проблеми го немаше и Брендон Инграм. Крис Пол испиша историјата за време на дуелот, откако 36-годишната ѕвезда ги постигна сите 14 поени во второто полувреме, придонесе и со 18 асистенции и се искачи од петтото на третото место на листата на најдобри асистенти на сите времиња во НБА.
Предводени од Леброн Џејмс, ЛА Лејкерс победија дома со Хјустон тесно со 119:117. Џејмс постигна 30 поени со 10 асистенции.
НБА РЕЗУЛТАТИ:
Детроит – Милвоки 89-117
Далас – Мајами 110-125
Јута – Сакраменто 119-113
Феникс – Њу Орлеанс 112-100
ЛА Лејкерс – Хјустон 119-117
