Македонската женска кошаркарска репрезентација утре стартува со подготовките за квалификациите за ЕП 2023 година. Во битката за место на континенталното натпреварување „црвено-жолтите“ ќе тргнат со промена на клупата, Александар Ашаданов е новиот предводник.
Ќе има промени и во стручниот штаб, дознаваме дека во неговиот тим ќе има една дама. Станува збор за најдобрата македонска кошаркарка, Јелена Антиќ, која поради повреда на коленото и натаму е надвор од терените. Антиќ која е тренер на актуелниот првак, Баскет Кам, добро ги познава девојките, таа долго време беше лидер на нашиот најдобар национален тим, што пак е голема предност.
Ашаданов објави список од 24 имиња. Првиот меч Македонија го игра на 11. ноември против Германија, додека три дена подоцна во Скопје гостува Босна.
