Карим Бензема го постигна голот за водство на тимот на Реал Мадрид на домашен терен во рамките од редовното коло од Лигата на Шампионите против Шахтјор Доњецк вечерва. Мечот сеуште е на полувреме, резултатот е 1:1, но голот на Бензема е и тоа како вреден за нотирање во моментов. Тоа е илјадитиот гол за Реал Мадрид во Европските натпреварувања, откако овој клуб игра на меѓународна сцена. Се случи токму Карим Бензема да го постигне, реално еден од играчите кои ќе биде испишан со златни букви во историјата на овој клуб, од најразични причини, а една од нив секако ќе биде и овој гол.
