Во Конференциската лига Рома и во вториот меч не успеа да го совлада норвешки Бодо/Глимт. На првиот меч Бодо победи со 6:1, а вечерва во Рим мечот заврши 2:2. Гостите два пати водеа, а римјаните изедначуваа и на крајот се задоволија со бод.
Во оваа група Бодо е лидер со 8 бода, Рома има 7, Зорја 6, а ЦСКА Софија само 1 бод.
„Весело“ беше во Лондон на „Вајт Харт Лејн“. Антонио Конте и неговите фудбалери имаа одличен старт, но потоа стравуваа за резултатот против холандски Витесе. Победија со 3:2 но нималку не беше лесно. Од 15. до 28. минута Тотенхем поведе со 3:0 (голови на Сон, Лукас, автогол на Расмусен), а до крајот на полувремето Расмусен и Беро го намалија резултатот.
Во второто полувреме „фрчеа“ картони. Кристијан Ромеро беше исклучен кај Тотенхем, потоа Витесе остана со двајца фудбалери помалку затоа што Доеки и голманот Шуберт мораа надвор поради втор жолт картон односно играње со рака надвор од шеснаесетникот.
Во оваа група Г Рен е прв со 10 бода, Тотенхем има 7, Витесе 6, а Мура е без триумф.
На другите натпревари:
Флора – Анортозис 2:2
Каират – Карабах 1:2
АЗ – Клуж 2:0
ЛАСК – Алашкерт 2:0
Линколн – Слован 1:4
Макаби Т.А. – Хелсинки 3:0
Омонија – Базел 1:1
Рандерс – Јаблонец 2:2
Зорја – ЦСКА Софија 2:0
ОД 21:00 ч.
Рома – Бодо/Глимт 2:2
ПАОК – Копенхаген 1:2
Рен – Мура 1:0
Славија Прага – Макаби 1:0
Тотенхем – Витесе 3:2
Унион Берлин – Феенорд 1:2
