Деби со реми за Антонио Конте на клупата на Тотенхем. Во дербито на „Гудисон Парк“, Евертон и Тотенхем одиграа нерешено 0:0, иако гостите во завршницата имаа неколку одлични шанси да поведат.
Најубавата шанса на една минута пред крајот ја имаше Џовани Ло Селсо, кој го погоди десниот дирек од домашниот гол.
Вредна победа обезбеди Арсенал на домашен терен против Ватфорд од 1:0. Голот за одлука беше дело на Смит-Роу, откако во првиот дел домашните промашија и пенал.
Лидс Ј. и Лестер одиграа нерешено 1:1. Лидс поведе преку Рафиња во 26. минута, но само што тргнаа од центарот гостите преку Барнс израмнија на 1:1.
Standings provided by SofaScore LiveScore
