Трет пораз во последните пет меча за Рома на Жозе Муриво во италијанската Серија А. „Волчицата“ денеска загуби на гостувањето кај Венеција со 3:2 во меч во кој бевме сведоци на два пресврти.
Напрво во првиот дел, откако домашните поведоа со голот на Калдара во 3. минута, Рома во последните минути на полувремето со два гола на Шомуродов и Тами Абрахам замина на пауза со предност од 2:1.
Во вториот дел упорните фудбалери на Венеција приредија нов пресврт. Најпрво од пенал во 66. минута Атаму израмни на 2:2, а во 74. минута Окереке ги доведе домашните во водство од 3:2 и победа која за Венеција е само трета оваа сезона.
Standings provided by SofaScore LiveScore
