Екипата на Јуентус синоќа со гол во последните моменти преку Хуан Квадрадо дојде до страшно важен триумф на домашен терен од 1:0 против тимот на Феиорентина. ЈУве повторно не одигра како што треба, гостинот создаде шанси кој можеа да бидат искористени, и мечот резултатски да отиде во сосема псротивниот правец. На среќа на домашните тоа не се случи, и Квадрадо погоди за сериозно важни три бода.
„Мислам дека загубивме најмалку седум бодови, кои требаше да ги имаме на контото. Мораме да бидеме лути, затоа што само таков тим може да победува на секој меч и да се снајде во вакви ситуации. Мораме да размислиме на оваа тема, и доколку продолжиме во тој правец можеби повторно ќе бидеме тим“ – изјави тренерот на Јуве, Масимилијано Алегри по мечот со Фиорентина.
