Екипата на ТФТ во два дена запиша две победи. По Академија Пловдив, денеска го совлада Берое со 86-96 во рамките на петото коло во балканското натпреварување. Тимот од Тафталиџе кон победата почна да чекори во втората четвртина, со две серии се врати во мечот. Пред полувремето поведе со 38-47.
На крајот на третата четвртина поведе со 58-75 и потврди дека дома ќе си оди со целиот плен. Харис со 16 поени беше прв стрелец, Маслинко и Костоски запишаа по 15 поени. Со оваа победа, ТФТ се искачи на второ место на табелата во групата Б.
