По два врзани порази, кошаркарита на Јута Џез им се вратија на победите. Во еден од најинтересните ноќешни натпревари, „џезерите“ на домашен терен беа подобри од екипата на Атланта со 110-98 и ја запишаа осмата сезонска победа.
Донован Мичел постигна 27 поени и беше предводник на „џезерите“ и на овој меч. Му се придружија и Богдановиќ со 18 и Кларксон со 16 поени.
Шампионите, Милвоки Бакс, дојдоа до победа над Филаделфија од 118:109 на крилата на неверојатниот Адетокумпо. Грчката ѕвезда постигна 31 поен и 16 скока и беше главна причина за шестиот пораз на Филаделфија сезонава.
И покрај победата, Милвоки се уште не се „искачил“ на 50 проценти победи оваа сезона, бидејќи и понатаму има негативен резултат – пет победи и шест порази.
Грејсон Ален додаде 25 поени во победата на Милвоки.
Во последниот утрински меч ЛА Клиперс славеа дома над Портланд со 117:109.