Светските квалификации во европската зона продолжуваат со 8 натпревари од 3 групи – група Ц, група Ф и група И. Најголемо внимание предизвикува мечот меѓу Италија и Швајцарија кој ќе биде решавачки за првото место во групата Ц.
Европскиот првак води пред Швајцарија поради подобрата гол-разлика, а првиот меѓусебен дуел заврши без голови. Натпреварот се игра на „Олимпико“ во Рим (20:45 ч.), а дури и победникот не гарантиран патник на СП затоа што постои можност во последното коло тој да киксне и да го испушти првото место кое директно води на Мундијалот.
Италија по овој меч во последното коло ќе гостува кај Северна Ирска, а Швајцарија ќе игра со Бугарија на свој терен.
Инаку во оваа група Ц покрај Италија и Швајцарија ќе играат уште Северна Ирска-Литванија.
Во групата Ф сигурен патник на СП е Данска која има 8 победи од 8 натпревари и гол-разлика 27:0. Против Фарските Острови ќе се обиде да ја продолжи победничката серија. Во битка за второто место фаворит е Шкотска кои вечерва гостуваат во Молдавија и со победа сигурно ќе оди во баражот. Надешта на Израел е победа на гости кај Австрија и кикс на Шкотланѓаните.
ВЕЧЕРВА ИГРААТ
ГРУПА Ц
СЕВЕРНА ИРСКА – ЛИТВАНИЈА 20:45 ч.
ИТАЛИЈА – ШВАЈЦАРИЈА 20:45 ч.
ГРУПА Ф
ДАНСКА – ФАРСКИ ОСТРОВИ 20:45 ч.
АВСТРИЈА – ИЗРАЕЛ 20:45 ч.
МОЛДАВИЈА – ШКОТСКА 20:45 ч.
ГРУПА И
АНГЛИЈА – АЛБАНИЈА 20:45 ч.
АНДОРА – ПОЛСКА 20:45 ч.
УНГАРИЈА – САН МАРИНО 20:45 ч.
