Нешто пред 12 часот експедицијата на нашата фудбалска репрезентација слета на скопскиот аеродром. Во одлично расположение, а како и не би кога синоќа среде Ереван ја “потопивме“ Ерменија со 5:0 и со оние 0:0 од Букурешт сега баражот ни е на дофат.
Сепак дека ништо уште не е готово, дека нема време за некоја си еуфорија, доказ е и потегот на селекторот Благоја Милевски кој за попладнево во 15:30 часот закажа тренинг. Мора уште денеска да се мисли на Исланд, на дуелот во 18 часот кој мора да се добие ако сакаме да играме во баражот за пласман на СП во Катар 2022 година.
