Со репрезентацијата на Исланд досега силите сме ги одмериле во пет наврати, и сите тие пет меча биле квалификациски за СП. Тоа е репрезентација со која имаме позитивен биланс, имаме две победи, две ремија и само еден пораз, со гол разлика 6:4. Што и не е така лошо ако се знае дека многу тешко е да го победиш Исланд, посебно кога игра на свој терен, на стадионот во Рејкјавик.
Првиот меч го одигравме пред цели 25 години и тоа во Рејкјавик, кога беше 1:1. Тој меч ќе биде запаметен по прекрасниот гол на Неџмедин Мемеди за водство на нашата репрезентација, сепак не успеавме докрај да издржиме и да славиме три бода.
Нешто слично беше и во септември, пред два месеци, кога исто водевме и тоа со два гола разлика, но сепак на крајот беше само 2:2. Стрелци за нашиот репрезентативен состав без Дарко Велкоски и Езџјан Алиоски.
Единствената победа Исланд ја има во 2008 година во Рејкјавик, кога успеа да го добие тој меч со 1:0. Стрелец на тој гол беше Гунарсон.
Со Исланд досега сме одиграле два меча во Скопје и двата сме успеале да ги добиеме. Во 1997 година со голот на Ѓорѓи Христов успевме да победиме со 1:0, додека во 2009 година, со головите на Ацо Стојков и Филип Ивановски славевме со 2:0. Значи кога сме домаќини “рибарите“ си ги “мачкаме“ и тоа без примен гол.
Тоа значи дека вечерашниот дуел со Исланд ќе биде вкупно шести или трети во Скопје. Убаво ќе биде да ја продолжиме низата успеси кога играме со оваа селекција на свој терен, на сега Националната Арена “Тодор Проески“ во Скопје.
Посебно ако се знае дека вечерва ќе играме и за пласман за баражот за СП во Катар 2022.
01.06.1996 – КВАЛИФИКАЦИИ ЗА СП
ИСЛАНД – МАКЕДОНИЈА 1:1
Стадион во Рејкјавик. Стрелци: А. Гудјонсен 65. (ИСЛ), Мемеди 65. (МАК).
ИСЛАНД: Пордарсон, Б. Кристинсон, Бергсон, Адолфсон, Сигурдсон, Гретарсон, Р. Кристинсон, Јонсон, Т. Гудјонсон, Гунлаугсон, А. Гудјонсен.
Играа уште: Гулфасон, Стефансон, Бенедиксон.
Селектор: Логи Олафсон.
МАКЕДОНИЈА: Целески, Стојковски, Марковски, Николовски, Милосавов, Седлоски, Мемеди, Гошев, Милошевски, Христов, Ќириќ.
Играа уште: Шаќири, Боров.
Селектор: Ѓоко Хаџиевски.
07.06.1997 – КВАЛИФИКАЦИИ ЗА СП
МАКЕДОНИЈА – ИСЛАНД 1:0
Градски стадион во Скопје. Стрелци: Христов 54. (МАК).
МАКЕДОНИЈА: Илиќ, Бабунски, Марковски, Николовски, Седлоски, Т. Мицевски, Гошев, Шаќири, Захариевски, Христов, Главевски.
Играа уште: Треневски, Шаиновски, Милошевски.
Селектор: Ѓоко Хаџиевски.
ИСЛАНД: Финбогасон, Гисласон, Бергсон, Сигурдсон, Гунарсон, Гретарсон, Јонсон, Т. Гудјонсон, Гунлаугсон, А. Гудјонсен, Сверисон.
Играа уште: Гунлаугсон, Сигурдсон, Дадасон.
Селектор: Логи Олафсон.
15.10.2008 – КВАЛИФИКАЦИИ ЗА СП
ИСЛАНД – МАКЕДОНИЈА 1:0
Стадион во Рејкјавик. Стрелци: В. Гунарсон 15. (ИСЛ).
ИСЛАНД: Гунлеифсон, Стеинсон, К. Сигурдсон, И. Сигурдсон, Храидарсон, Саварсон, Гунарсон, Гисласон, Халфредсон, Е. Гудјонсен, Гунарсон.
Играа уште: Гунарсон, Палмасон, Бјарнасон.
Селектор: Олафур Јоханесон
МАКЕДОНИЈА: Милошевски, Митрески, Новевски, Лазаревски, Петров, Седлоски, Шумуликоски, Гроздановски, Тасевски, Пандев, Мазнов.
Играа уште: Трајанов, Стојков, Ристиќ.
Селектор: Среќко Катанец.
10.06.2009 – КВАЛИФИКАЦИИ ЗА СП
МАКЕДОНИЈА – ИСЛАНД 2:0
Градски стадион во Скопје. Стрелци: Стојков 9., Ивановски 85. (МАК).
МАКЕДОНИЈА: Николоски, Митрески, Лазаревски, Г. Попов, Седлоски, Шумуликоски, Георгиевски, Деспотовски, Пандев, Наумоски, Стојков.
Играа уште: Ивановски, Пачовски, Гроздановски.
Селектор: Мирсад Јонуз.
ИСЛАНД: Гунлеифсон, Стеинсон, Отесен, Сигурдсон, Ериксон, Гунарсон, Гиласон, Палмасон, Јонсон, Халфредсон, Смарасон.
Играа уште: Саварсон, Гудмундсон.
Селектор: Олафур Јоханесон.
05.09.2021 – КВАЛИФИКАЦИИ ЗА СП
ИСЛАНД – МАКЕДОНИЈА 2:2
Стадион во Рејкјавик. Стрелци:Б. И. Бјарнасон 78., А.Л. Гудјонсен 84. (ИСЛ), Велкоски 11., Алиоски 54. (МАК).
ИСЛАНД: Рунарсон, Саварсон, Арнасон, Пораринсон, Б. И. Бјарнасон, Б. Бјарнасон, Гудмундсон, Андерсон, Балдурсон, Кјартасон, Јоханесон.
Играа уште: Хелгасон, Порстеинсон, А. Л. Гудјонсен, Скуласон, Сигурдсон.
Селектор: Арнар Видарсон.
МАКЕДОНИЈА: Димитриевски, С. Ристовски, Муслиу, Велковски, Спировски, Алиоски, Костадинов, Барди, Елмас, Чурлинов, М. Ристовски.
Играа уште: Трајковски, Јаховиќ, Аврамовски, Ристевски.
Селектор: Благоја Милевски.
