Србите се мајтапат со Роналдо: Ништо не е изгубено, има бараж! Под услов да ја избегнете Македонија!

9972

ФОТО: fpf.pt

Србија обезбеди директен пласман на Светското првенство во Катар 2022 година. Фудбалерите на нашиот северен сосед во Лисабон ја совладаа Португалија со 1-2. Пред оваа средба Кристијано Роналдо испрати кратка порака на социјалните мрежи која предизвика бурни реакции во Србија. Но, се чини ѕвездата на Јунајтед избрза, многу рано прогласи победа и пласман на Мундијалот. Последниот збор сепак го имаа српските репрезентативци.

По завршување на овој натпревар на социјалните мрежи може да се прочитаат најразлични постови, секако на сметка на Роналдо.

Еден од нив дефинитивно е број еден.

„Не грижи се, Кристијано. Па, мајка му, сè уште ништо не е изгубено, тука е баражот. Под услов да ја избегнете Македонија. Ако не, тогаш можеш веднаш да ја фрлиш лентата“.

ПретходноНант го официјализираше вардарецот Тото
СледноПортланд без решение за Јокиќ – 28 минути и 28 поени (ВИДЕО)