Премиерот на државата Викторија утрово потврди дека Австралија Опен ќе може да се одржи пред полни трибини во Мелбурн од 17 до 30 јануари следната година.
Со оваа најава, првиот Грен Слем за новата година полека ќе се врати во нормала.
„Благодарение на вакцинацијата на 90% од жителите на Викторија, повеќето ограничувања, речиси сите, ќе можат да исчезнат“, потврди Даниел Ендрјус.
Според најавата, Мелбурн Парк на почетокот на годината ќе може да прими околу 60.000 гледачи. Невакцинираните играчи и во машка и во женска конкуренција нема да може да учествуваат на турнирот, а локалните власти одбиваат да направат исклучок.
