Списокот за плати во Манчестер Јунајтед е значително зголемен, но резултати нема. Како што објави весникот „Дејли Меил“, последните истражувања покажале дека платите на персоналот, вклучувајќи ги и играчите, клубот го чинат рекордни 354 милиони фунти годишно (речиси 422 милиони евра).
Со доаѓањето на Кристијано Роналдо, Џејдон Санчо и Рафаел Варан, платите во Манчестер Јунајтед се зголемиле за 23,1%. Приходите на клубот, исто така се зголемени, но за 16,1% само поради зголемената ставка на продажба на билети, која претходната година ја немаше поради пандемијата и празните трибини.
Заклучно со 30 септември, Јунајтед има нето долг од 439,7 милиони фунти. Ова е нешто помалку од минатата година кога клупскиот долг изнесуваше 440,6 милиони фунти.
