На стадионот во Неапол наскоро ќе биде поставена статуа со реални димензии на легендата на Наполи и аргентинската репрезентација, Диего Армандо Марадона. Како што објавија италијанските медиуми, статуата ќе биде откриена на 28 ноември.
Истата е создадена со помош на техники за 3D печатење и е донирана од пријателот на Марадона, Стефано Чеки.
„Му ветив на денот кога беше прогласен за почесен граѓанин на Неапол дека ќе добие статуа во градот или на стадионот“, изјавил Чеки.
Тој потврди дека статуата ќе биде поставена пред навивачите пред натпреварот од Серија А против Лацио кој е закажан на 28 ноември.
Стадионот „Сан Паоло“ беше преименуван во „Стадио Диего Армандо Марадона“ само неколку дена по неговата смрт на 25 ноември 2020 година.
#Napoli-Lazio, la statua di #Maradona farà il giro di campo. In giornate a tema sarà esposta anche all’esterno dello stadio. Piede sinistro e “mano de Dios”, ottenuti tramite scansione 3D nel 2018, impreziositi con foglie d’oro. ‘Anche io sono napoletano’: questa la targa pic.twitter.com/S9Shbr2bZE
— Simone Guadagno (@SimoneGuadagnoo) November 17, 2021
