Актуелниот НБА шампион Милвоки Бакс на домашен терен го совладаа Лос Анџелес Лејкерс со 109-102 во дербито на вечерта во најсилната светска кошаркарска конкуренција. Пред своја публика кај Милвоки блескаше Јанис Андетокумпо, кој постигна извонредни 47 поени. Тој додаде девет скока и три асистенции во меч во кој одлично одигра и Крис Мидлтон со 16 поени, во својот прв меч по прележаниот Ковид-19.
ЛА Лејкерс го одиграа осмиот натпревар по ред без Леброн Џејмс и веќе дојдоа до бројката од осум порази во 16 сезонски настапи. Кај гостите и на овој меч Хортон-Такер беше најефикасен со 25 поени.
Далас синоќа не можеа да сметаат на својот најдобар играч во тимот, Лука Дончиќ и беа прилично лесно совладани на гости кај Феникс. Словенечкиот кошаркар е полесно повреден, но мора да мирува неколку дена пред да се врати на терените. Феникс ја искористи шансата и дојде до единаесеттата победа сезонава,с лавејќи со 105:98. Кај домашниот тим најрасположен беше Девин Букер кој постигна 24 поени, додека кај Мавс, Хардавеј постигна 22, додека Порзингис имаше 21 поен.
НБА РЕЗУЛТАТИ:
Шарлот – Вашингтон 97:87
Детроит – Индијана 97:89
Атланта – Бостон 110:99
Бруклин – Кливленд 109:99
Мајами Хит – Њу Орлеанс 113:98
Милвоки – ЛА Лејкерс 109:102
Њујорк – Орландо 98:104
Минесота – Сакраменто 107:97
Оклахома – Хјустон 101:89
Феникс – Далас 105:98
Портланд – Чикаго 112:107
