По првиот триумф во Европската лига, Е.Пелистер продолжи во исто темпо и во домашната Супер-лига. Битолчани, очекувано го добија пелагониското дерби, славеа со убедливи 24-41 во рамките на 11. коло.
Гостите отворија со 0-4, а потоа со 2-9. Избраниците на Жељко Бабиќ лесно ја пробиваа одбраната на противникот, на полувремето имаа предност од 12-22. До крајот на Е.Пелистер му остана полесната задача, рутински да го приведе мечот, кој беше решен по само 30. минути игра.
Костески со 13 гола беше прв стрелец, Мараш запиша пет погодоци. Кај домашниот тим, Тренчевски имаше девет гола.
