Одличен настап на нашиот ракометен репрезентативец Жарко Пешевски во дресот на Штутгарт во денешниот меч од 12. коло на германската Бундеслига. Штутгарт одигра нерешено 32:32 на домашен терен против екипата на Фухсе Берлин, а нашиот репрезентативен пивотмен успеа да постигне 4 гола за својот тим.
Со овие четири гола, Пешевски беше втор стрелец за Штутгарт денеска зад Лен кој имаше 7 погодоци.
