Голден Стејт ја продолжува извонредната сезона во НБА лигата, откако синоќа обезбеди и петнаесетта сезонска победа „демолирајќи“ го Торонто со 119:104. Џордан Пул и Ендрју Вигинс блескаа на синоќешниот меч, додека првата ѕвезда на „Воините“, Стеф Кари имаше само скромен ефект од 12 поени.
Победничката низа на Западот ја продолжија и кошаркарите на Феникс. Тие обезбедија уште еден триумф над Денвер овој пат победувајќи со 126-97. Џонсон со 22 и Ејтон со 21 поен беа автори на победата на домашните, додека кај гостите во отсуство на Јокиќ, Грин постигна 19 поени.
Словенечката кошаркарска ѕвезда Лука Дончиќ го пропушти третиот последователен натпревар за Далас Маверикс. Така одлучи неговиот тренер еден час пред почетокот на дуелот во Калифорнија против Лос Анџелес Клиперс. Повредата на скочниот зглоб и коленото поради која го пропушти последниот натпревар во Феникс се уште не е целосно санирана. Клиперси го искористија неговото отсуство обезбедија победа од 97:91.
НБА РЕЗУЛТАТИ:
ЛА Клиперс – Далас 97:91
Детроит – ЛА Лејкерс 116:121
Чикаго – Њујорк 109:103
Феникс – Денвер 126:97
Голден Стејт – Торонто 119:104
