Екипата на Удинезе на нашиот репрезентативец Илија Несторовски го претрпе петтиот пораз сезонава во италијанската Серија А. Вечерва „зебрите“ загубија на гостувањето кај Торино со 2:1 со голови на Брекало и на Бремер. Тимот од Удине постигна само утешен гол преку Фернандо Форестери од слободен удар. Несторовски остана на клупата и не одигра ниту една минута.
Од друга страна Торино ја запиша петтата победа и е на 13-тото место на табелата. Удинезе е на позиција 15.
Претходно Верона го победи Емполи со 2:1 и продолжи со добрите настапи сезонава. Тоа е петтиот натпревар по ред на кој Верона не знае за пораз. Инаку мечот со Емполи одеше кон реми, а потоа во 91 минута погоди Тамезе.
