Новиот тренер на Барселона Чави Ернандес не чувствува притисок по првите денови на кормилото на каталонскиот гигант, а место тоа гледа бескрајни можности пред себе и пред тимот. Тоа го кажа на прес-конференцијата пред мечот со Бенфика во Лигата на шампионите.
„Не чувствувам притисок, напротив, гледам многу можности. Ние сме барса и секогаш се трудиме да победуваме. Како што кажав, тоа е предизвик кој ми се допаѓа. Да седам тука и да разговарам со вас е лесно, но сосема е друго тоа што ќе го покажеме на теренот. Против Еспањол работите изгледаа добро. Имам причина да бидам оптимист. Ако се бориме ќе бидеме подобри“, изјави Чави.
Барса го доби дуелот со соседот со 1:0, а во вторник (21:00) ќе игра со Бенфика на домашен терен. Првиот меч на „Луж“ заврши со триумф на Бенфика со 3:0.
„Ќе ни требаат фановите против Бенфика. Тие се дел од оваа екипа. Атмосферата треба да биде таква што на фидбалерите ќе им дава енергија и желба за жестоки напади“, додаде Чави.
