Фудбалерите на Барселона вечерва на домашен терен ја пречекуваат Бенфика во меч од групната фаза во Лигата на шампиони. Каталонскиот гигант нема право на кикс, вечерва на „Камп Ноу“ му е потребна победа за да обезбеди место во нокаут фазата.
Барса не ја отвори сезоната најдобро, најголемиот шок го доживеа токму против Бенфика, во првиот меч беше подобра со 3-0.
Сепак шпанскиот тим со двете победи над Динамо Киев се врати во игра и сега на чекор до заверка на второто место.
Вечерва во Лигата на шампиони на клупата на Барса ќе дебитира Чави, кој дојде пред десет дена.
На вчерашната прес-конференција покрај легендата беше и Жорди Алба, кој зборуваше за својот некогашен тренер.
„Немам ништо лошо да кажам за Куман. Мислам дека направи добра работа, го освоивме Купот на кралот кога никој не го очекуваше тоа. Секој тренер има свој стил. Му благодарам на Куман за се што стори за мене и за целиот тим“, рече Алба.
