Актуелниот македонски шампион, Баскет Кам не успеа да му се реваншира на тимот на Орлови за поразот на домашен терен. Кошаркарките од Македонска Каменица на гостински терен беа убедливо совладани со 77-49 во рамките на 7. коло во ВАБА лигата.
Баскет Кам се наоѓа на петото место на табелата во групата А со две победи и пет порази.
Домашната екипа добро тргна во првата четвртина, која на крајот се покажа и како клучна. Поведе со 23-7, на одморот кошаркарките на македонскиот претставник имаа негатива од 40-27. Во продолжение не се промени ништо, Баскет Кам немаше сили за изненадување.
