Иако во овој момент се второпласирани со два бода повеќе од Бенфика, сепак во одлучувачкиот меч за пласман во нокаут фазата треба да одиграат против Баерн во Минхен, додека пак Бенфика игра против оптишаниот Динамо Киев.
На каталонскиот гигант за заверка на местото му треба победа, додека Динамо ќе треба да приреди изненадување.
И покрај ова, новиот тренер Чави Хернандез е убеден дека неговиот тим може да го победи Баерн и според тврдењата на шпанските медиуми денеска на тренинг им поставил едно прашање на сите играчи.
„Постои ли некој кој не верува дека можеме да го победиме Баерн во Германија“, прашал Чави, а потоа продолжил со својот говор:
„Се зависи од нас, тоа во фудбалот е подарок. Фудбалот секогаш ви дава нова шанса. Дадовте се од себе, со ваков став можете да играте против секого“, рекол Чави, кој им честитал на фудбалерите за залагањето против Бенфика.
