Попладнево од 13 часот на стадионот на ФФМ во Скопје, нашата најдобра женска фудбалска репрезентација ќе ги одмери силите со соодветната селекција на С. Ирска. Ова е меч од 5.коло во групата – Д за пласман на СП 2023 година. Само четири денови подоцна со истата селекција играме на нејзин терен, во Белфаст.
Селекторот Кирил Изов истакнува дека нашата репрезентација е силно ослабена, имено ќе го нема најдобрите како Андонова, Рочи, Јаковски и уште неколку девојки, но затоа тука ќе бидат некои помлади репрезентативки кои се желни за докажување.
Македонија во изминатите четири кола има забележано само една победа и три порази, па така со само 3 бода моментално сме на петтата позиција на табелата во пресрет на овој двомеч со селекцијата на С. Ирска.Од друга страна селекцијата на С. Ирска има две победи, едно реми и само еден пораз. На хартија гостинките можеби се фаворити, сепак Македонија игра дома,игра пред своите фанови и посакува добар резултат.
Да потсетиме декамечот започнува во 13 часот а се игра на комплексот на Фудбалската федерација на Македонија.
