Во НБА-лигата се одиграа 11 натпревари, во центарот на вниманието се ЛА Лејкерс и Феникс.
Тимот од ЛА оваа сезона не ја почна според очекувањата, засега е далеку од врвот во Западната конференција, но синоќа дојде до важна победа, по продолжение. Леброн Џејмс и неговите соиграчи ја совладаа Индијана со 116-124, регуларниот дел заврши со 112-112.
Во продолжението се чини на крајот на нервите беше Џејмс, кој не можеше да го издржи притисокот од страна на фановите на Пејсерс. Побара истите да бидат исфрлени од салата. Засега не е познато што му дофрлиле, но дефинитивно според неговиот потег е нешто иритирачко.
Леброн во десетата победа на Лејкерс постигна 39 поени, 5 скока и 6 асистенции, зад него беше Вестбрук со 20 поени. На другата страна Малком Бронгдон имаше 28 поени.
LeBron unhappy with some fans courtside in Indiana pic.twitter.com/1Ud3B69G1E
— The Action Network (@ActionNetworkHQ) November 25, 2021
Феникс продолжува во победнички ритам, против Кливленд го запиша 14 триумф во низа, со скор од 15 победи и три порази е на второто место на табелата во Западната конференција, каде лидер е Голден Стејт. Вориорс ја совладаа Филаделфија. Кари имаше дабл-дабл од 25 поени и 10 асистенции.
На останатите средби беа забележани следните резултати:
Кливленд – Феникс 115:120
Индијана – ЛА Лејкерс 116:124 (прод.)
Орландо – Шарлот – 99:106
Бостон – Бруклин 104:123
Хјустон – Чикаго 118:113
Мемфис – Торонто 113:126
Минесота – Мајами 113:101
Њу Орлеанс – Вашингтон 127:102
Оклахома – Јута 104:110
Сан Атнонио – Атланта 106:124
Голден Стејт – Филаделфија 116:96
Сакраменто – Портланд 125-121
