Денеска во Охрид, на стадионот “Билјанини Извори“ се игра супер – дербито во ВМФЛ – ЗАПАД. Во меч од 12.коло се среќаваат Воска Спорт и Вардар. Меч кој веројатно и ќе ја одреди судбината на двете екипи во оваа сезона во поглед на прашањето која од нив ќе биде втора и која ќе игра бараж за пласман во елитата, посебно ако се знае дека Силекс веќе “одлета“ на +9 од Воска и +11 од Вардар и е веќе “прволигаш“. Се разбира дека има уште многу да се игра, но ако победи тимот на Раде Цицмиловиќ тогаш ќе има +5 во однос на Вардар, а ако пак триумфира составот на Никола Глигоров е тогаш тој ќе се најде на таа втора позиција на табелата по ова 12.коло. А тогаш се знае, тешко дека Вардар ќе може да се стигне.
Токму затоа овој меч е многу, многу значаен за двете екипи.
Очекуваме борбен, тврд, нервозен меч, секој кикс ќе биде фатален.
Силекс на свој терен го дочекува Охрид и се очекува триумф на лидерот, Тетекс пак му гостува на Кадино, а Беса игра против Гостивар, додека Велешта му е домаќин на Кораби.
ДВОЈКИ ЗА 12.КОЛО – ДЕНЕСКА (13 Ч)
СИЛЕКС – ОХРИД
КАДИНО – ТЕТЕКС
БЕСА – ГОСТИВАР
ВЕЛЕШТА – КОРАБИ
ВОСКА СПОРТ – ВАРДАР
ТАБЕЛА
1.СИЛЕКС 31
2.ВОСКА СПОРТ 22
3.ВАРДАР 20
4.КОРАБИ 15
5.ТЕТЕКС 14
6.ГОСТИВАР 13
7.ВЕЛЕШТА 13
8.ОХРИД 10
9.БЕСА 9
10.КАДИНО 6
