Финансиската полиција упаднала во просториите на Јувентус поради проневера на 50 милиони евра! „Газета дело Спорт“ известува дека претседателот на „Старата дама“ Андреа Ањели, потпретседателот Павел Недвед и поранешниот спортски директор Фабио Паратичи и уште тројца челници на клубот се под истрага поради наводно лажни финансиски сметки.
Италијанските власти ги собрале документите за трансферите, фактурите и финансиските извештаи, а истрагата се однесува на финансиски измами од трансфери на играчи и менаџерски бонуси во текот на сезоните 2018/19, 2019/20 и 2020/21.
Под посебна лупа е размената на Миралем Пјаниќ и Артур Мело од 20201 година.
„Инспекторите на единицата за економско-финансиската полиција во Торино добија инструкции да приберат документација и други корисни елементи кои се однесуваат на финансиските извештаи на клубот од 2019. до 2021. година, а се однесуваат на купување и продажба на играчи и редовно составување на финансиски извештаи. Во овој момент активностите се насочени на утврдување на кривично дело – лажна комуникациска компанија и издавање на фактури за непостоечки трансакции, кон највисокиот менаџмент и раководителите од областа на финансискиот и спортскиот менаџмент. За разгледуваат и некои трансфери на играчи како и услугите на некои агенти кои се вклучени како посредници“, известуваат од Јавното обвинителство во Торино.
