Од оние пет денешни меча од 15.коло, се чини дека најинтересно би требало да биде во Ѓорче, каде се среќаваат Македонија ЃП и Шкендија. И двете екипи играат одлично, победуваат во последно време. Па така се очекува интересен и крајно неизвесен дуел.
Шампионот на гостувањето кај “лавовите“ нема да смета на својот капитен, Егзон Бејтулаи и тоа поради картони, но Шкендија има квалитет и тоа како да го надополни отсуството на еден од своите најдобри играчи.
Инаку за тоа како Шкендија ќе го одигра овој меч, свое видување има Јан Кривак, стоперот на тетовци.
“Максимално сме фокусирани и подготвени за овој меч. Ситуација на табелата е таа, но ние на последните мечеви одигравме добро, доминиравме над нашите противници.Добро знаеме со кого денеска ќе играме. Во првиот меч сезонава против Македонија ЃП во Тетово беше 4:0 за нас, но тој резултат не треба да не залажува“ заврши Кривак.
