Тренерот на Рома Жозе Мурињо се надева дека неговите играчи ќе покажат силен менталитет на претстојниот меч со Болоња.
„Мораме ментално да зајакнеме. Група која сака да игра и да победува. Фудбалерите кои не играат многу заслужуваат пофалби. Таков е случајот со Амаду Диавара, кој минатата недела тренираше напорно и покрај тоа што игра малку. Тие фудбалери играат решително и во корист на тимот и имаме потреба од нив. На пример Мараш Кумбула кој влезе како резерва и спречи опасна ситуација. Доби жолт картон, но се жртвуваше да спречи противнички играч. Toj добро се носеше со поискусниот Милинковиќ-Савиќ.
Екипите пред нас се таму со причина. Првенството не е автопат, може да има казни, повреди, киксови… Милан и Аталанта беа на чело од стартот на сезоната, а и сега се таму. Истото важи и за Наполи. Мотивирачки за нас е да бидеме блиску до нив. Ако сме оддалечени седум бода место 30 чувството е поинакво. Тоа значи дека работиме правилно“, изјави Жозе на прес-конференцијата пред дуелот со Болоња.
