Италијанскиот шампион Интер продолжува со победничката серија во Серија А. Вечерна на „Џузепе Меаца“, момците на Инзаги со 2:0 ја совладаа екипата на Специја остварувајќи ја 10-тата победа сезонава со која дојдоа веднаш зад Наполи на второто место на табелата, во очекување на настапите и на Наполи и на Милан вечерва.
Со голот на Гаљардини, Интер поведе во 36. минута, за Лаутаро Мартинез од белата точка да зголеми на 2:0 на петнаесетина минути пред крајот на средбата.
Болоња вечерва успеа да направи изненадување победувајќи ја Рома со 1:0 и прекинувајќи ја низата од две последователни победи на тимот на Мурињо. Единствениот гол за домашните го постигна Свандберг во 35. минута.
Standings provided by SofaScore LiveScore
