Денеска и официјално стартува Светското ракометно првенство во женска конкуренција, кое се игра во Шпанија од 1 до 19 декември. Бранител на титулата е холандската репрезентација, која пред две години го дигна пехарот. Во првата фаза актуелниот светски првак силите ќе ги одмери со Шведска, Порторико и Узбекистан.
За првпат на овој Мундијал ќе се натпреваруваат 32 селекции, тимовите се поделени во осум групи со по четири учесници, пласман во следната фаза ќе обезбедат првопласираните три.
Група А: Франција, Црна Гора, Ангола, Словенија.
Група Б: Русија, Србија, Камерун, Полска.
Група Ц: Норвешка, Романија, Казахстан, Иран.
Група Д: Холандија, Шведска, Порторико, Узбекистан.
Група Е: Германија, Унгарија, Чешка, Словачка.
Група Ф: Данска, Јужна Кореја, Тунис, Конго.
Група Г: Хрватска, Јапонија, Бразил, Парагвај.
Група Х: Шпанија, Австрија, Аргентина, Кина.
