Ракометарките на Шпанија со победа го отворија Светското првенство кое од денеска до 19 декември ќе се одржува на нивно тло. Шпанките во премиерната рунда немаа проблеми со Аргентина прегазувајќи ја со убедливи 29:13.
Интересно е што Аргентина одигра одлично прво полувреме и дозволи Шпанките да заминат на пауза со минимални 11:10. Но, во вториот дел едноставно како да играа против сосема друга репрезентација. Шпанија го доби вториот дел со фантастични 18:3 и на крајот обезбеди висока победа.
Одлична во домашните редови беше Барбоса која постигна 5 гола, колку што имаше и Кампос.
