Самуел Умтити не се наигра ниту оваа сезона, поточно не доби ниту една минута, што доволно говори за неговиот статус во таборот на Барселона. Раководството на каталонскиот гигант се обиде да го продаде и да го ослободи буџетот, но тој ги одби сите понуди.
Откако Умтити не доби шанса ниту кај новиот тренер, Чави Хернандез, навивачите како да го загубија трпението, но претераа. Тие го сопреа неговиот автомобил среде тренинг центарот и почнаа да го „решетат“ со различни навреди. Фудбалерот на Барса ги изненади, излезе од неговиот автомобил.
Тој им објасни како треба да се однесуваат: „Дојди ваму. Дали ти плаќаш за овој автомобил? Па зошто тогаш така се однесуваш?“, се дел од зборовите на Умтити кон еден од фановите.
A Barcelona “fan” climbs on top of Samuel Umtiti’s car – World Cup winner responds: “Are you going to pay for it? Do you know what respect is?” pic.twitter.com/rzIWqXuaGE
— Get French Football News (@GFFN) December 1, 2021
Секако не требаше да мине многу време за да излезе видео-снимка од овој момент. Голем број на навивачи го осудија овој инцидент, порачаа дека никој не смее така да се однесува кон фудбалерите.
