Нема веќе дилеми. Германската влада донесе одлука на наредните мечеви во Бундеслигата, почнувајќи од викендов, кога се игра 14. коло, на трибините да има само по максимални 15.000 гледачи. Ова е поради фактот дека короната во последно време и тоа како “дрма“ во таа земја, впрочем како и во цела Европа. Донесени се нови рестриктивни мерки, па и за спортските настани, посебно тука се мисли за фудбалот.
Да кажеме дека ова важи и за саботниот меч во Дортмунд, каде во големото дерби играат истоимениот тим и Баерн Минхен. Претходно вестите беа дека раководството на Дортмунд одлучи да игра пред празни трибини, иако беа продадени 67.000 билети.
