Апелацискиот суд во Нови Сад ја потврди одлуката за поранешниот судија и контролор Срѓан Обрадовиќ да биде исфрлен од фудбалот во следните десет години поради местење натпревари.
Да потсетиме, на Обрадовиќ му се судеше за злоупотреба на судиската позиција бидејќи на мечот меѓу Спартак од Суботица и Раднички од Ниш (2:0), го фаворизираше домашниот тим и досуди еден од најтрагикомичните пенали во историјата на српскиот фудбал.
Судијата од Јагодина веќе е првостепено осуден на 15 месеци затвор во Вишиот суд во Нови Сад.
