Стив Сајмон, првиот човек на Меѓународната тениска асоцијација за тенисерки (ВТА) соопшти дека се суспендирани сите турнири кои треба да се одржат во Кина, вклучувајќи го и оној во Хонг Конг поради случајот со тенисерката Шуаи Пен.
Таа на 2 ноември преку социјалните мрежи откри дека била сексуално злоставувана од поранешниот премиер на Кина Џан Гаоли. По изјавата таа целосно исчезна и не е достапна за јавноста која бара одговори.
Најавувам итна суспензија на сите ВТА турнири во Кина, вклучително и Хонг Конг. Не гледам како можам да побарам од нашите играчи да учествуваат на турнири, кога на Пен Шуаи не ѝ е дозволено слободно да комуницира и кога е под притисок да ги откаже своите наводи за сексуална злоупотреба“, напиша претседателот на ВТА.
Машката тениска асоцијација (АТП) засега ја следи ситуацијата на страна и се уште нема одлучено дали ќе ги продолжи турнирите во Кина.
Пен, која е поранешна светска тенисерка број 1 во парови, по неколку дневно бегство од јавноста се појави на турнир на тениски таленти во Пекинг. Но не кажа ништо повеќе околу обвинувањата.
„Ситуацијата околу Пен Шуаи продолжува да биде нејасна и со тоа го става под притисок тенискиот спорт. Во моментов недостасува одговор на овие сериозни обвиненија. Ја следиме ситуацијата, таа е нејасна па ќе видиме што понатаму“, соопштија од АТП.
Во меѓувреме претставници на МОК (Меѓународниот олимписки комитет) сооштија дека ќе се сретнат лично со кинеската тенисерка во јануари идната година.
