Ракометарките на Словенија извојуваа изненадувачки висока и убедлива победа над селекцијата на Црна Гора во премиерното коло од групната фаза на Светското првенство во Шпанија. Во мечот од групата „А“ Словенките славеа со 28:18 и најавија дека имаат состав за поголеми дострели на овој ракометен мундијал.
Предводени од екс-селекторот на Црна Гора, Аџиќ, Словенките уште во првите 10 минути ја направија разликата, која умешно знаеја да ја надоградат и чуваат до крајот на мечот. Радичевиќ со 7 гола беше единствената светла точка кај Црногорките, додека кај Словенија 6 гола постигна Грос.
Србија стартуваше со победа над Полска од 25:21 во рамките на групата „Б“. Извонредна партија кај Србинките имаа Јанушевиќ со 7 и Стоиљковиќ со 6 гола. На останатите денешни средби неизвесност скоро и да немаше. Фаворитите беа немилосрдни кон ривалите.
ГРУПА „А“
Франција – Ангола 30:20
Црна Гора – Словенија 18:28
ГРУПА „Б“
Србија – Полска 25:21
Русија – Камерун 40:18
ГРУПА „Ц“
Романија – Иран 39:11
Норвешка – Казахстан 46:18
ГРУПА „Д“
Холандија – Портотико 55:15
Шведска – Узбекистан 46:15
