Во дербито на 16.коло во Серија А, Аталанта на “Диего Марадона“ стадионот среде Неапол, успеа со 2:3 да го победи фаворизираниот Наполи. Блескава претстава на гостите од Бергамо кои во целост го искористија фактот дека домашниот тим беше драстично ослабен со неиграњето на Осимен и Кулибали.
Да кажеме дека Елмас беше стартер во составот поразениот тим, го одигра целиот меч, беше солиден, но не успеа да му помогне на својот тим да го избегне поразот.
Малиновски во 7.минута му донесе водство на гостинскиот состав. Сепак во финишот на првиот дел, во таа 40.минута Зјелински успеа да израмни на 1:1. Само што започна вториот дел, Мертенс, акој друг, успеа да му донесе водство на Наполи од 2:1 за еуфорија на трибините на стадионот. Сепак Демирал во 66.минута израмни а Фројлер во 71.минута стрелаше за 2:3 за Аталанта.
Па така сега Наполи со овој пораз падна на табелата третата позиција, зад Милан и Интер, додека Аталанта и дефинитивно се вклучи во битката за титулата.
