Реал Мадрид синоќа славеше на гостувањето кај Реал Сосиедад со 0-2. „Кралевите“ во 17. минута поради повреда останаа без Карим Бензема.
Иако се чинеше дека ќе биде надвор од терените, денеска стигнаа добри вести за Карло Анчелоти и сите фанови на овој клуб.
Повредата не е сериозна, тој треба да биде подготвен за дуелот против Интер во рамките на 6. коло во Лигата на шампиони. Последната одлука ќе ја има лекарскиот тим и тренерот, заедно ќе одлучат дали ќе влезе на оваа средба или пак ќе му помогне на тимот за мадридското дерби против Атлетико во Ла Лига следниот викенд.
Бензема оваа сезона во Лигата на шампиони постигна пет гола и една асистенција, додека во Ла Лига запиша 12 голови и 11 асистенции, тој е прв стрелец во лигата.
Неговото подолго отсуство дефинитивно ќе биде голем хендикеп за Реал мадрид кој оваа сезона е главен кандидат за титулата во Шпанија.
