Екипата на Удинезе доживеа пораз на гостувањето кај Емполи со 3:1 во меч од 16. коло на италијанската Серија А. Македонскиот репрезентативец Илија Несторовски истрча на теренот по долгата пауза поради сериозната повреда, но неговиот тим загуби.
Удинезе водеше по првото полувреме, но Емполи направи пресврт. Несторовски влезе во игра во 79. минута на местото на Саксес и пет минути подоцна доби жолт картон поради симулирање. Добро е што нашиот напаѓач конечно заигра со што потврди дека повредата е минато, па сега се бори да влезе во форма и за што поголема минутажа.
Инаку Нестор отсуствуваше од натпревари од 21 април поради што го пропушти и ЕУРО 2020.
