Далас пропушти голема шанса да дојде до победа против Бруклин. Маверикс во третата четвртина имаа предност од 17 поени (71-54), но паднаа, на крајот беа совладани со 99-102.
За тимот на Лука Дончиќ ова беше осми пораз во последните десет натпревари, со скор од 11/12 се наоѓа осмата позиција во Западната конференција, Бруклин пак е прв во истокот со 17 победи и 7 порази.
Далас на оваа средба беше очаен и од линијата за три, промаши 37 тројки од 46 обиди.
Џејмс Харден го предводеше своот тим со 23 поени, 12 асистенции и 9 скока, додека Кевин Дурент имаше 24 поени. На другата страна Дончиќ запиша 28 поени, шест скока и девет асистенции.
ЛА Лејкерси го доби класикот во НБА-лига, го совлада Бостон со 117-102. До 13 победа, Лејкерси дојдоа во третата четвртина, откако претходно првото полувреме беше изедначено.
Татум со 34 поени беше прв стрелец на мечот и во Бостон, на другата страна Леброн Џејмс имаше 30 поени, додека Расел Вестбрук запиша дабл-дабл од 24 поен и 11 асистенции.
На последната средба, Сан Антонио загуби убедливо од Њујорк со 109-121.
