Претседателот на Барселона , Жоан Лапорта изјави дека е разочаран од испаѓањето на тимот од Лигата на шампионите, но ги повика играчите да не ја наведнуваат главата.
Синоќа Каталонците загубија со 0:3 од Баерн Минхен и завршија на третото место во групата Е со 7 бода, од кои „Баварците“ 18 и португалската Бенфика со 8 бодови продолжуваат во осминафиналето . Барселона за прв пат по 21 година не успеа да ја мине групната фаза на најсилниот европски клупски турнир и напролет ќе го продолжи учеството во Лигата на Европа.
