Екипата на Динамо Загреб на фантастичен начин ја заврши групната фаза во Лигата на Европа. Го победи Вест Хем со 1:0 и тоа на Олимпискиот стадион во Лондон со што ја заврши групата на второто место со три победи, едно реми и два порази. Голот го постигна Оршиќ на стартот на натпреварот. Тоа беше фантастичен погодок со удар од далечина.
Македонските интернационалци Стефан Ристовски и Аријан Адеми беа стартери, со тоа што капитенот на Динамо играше до 70. минута.
Тоа значи дека заедно со првопласираниот Вест Хем патуваат во нокаут рундата во второто по квалитет европско натпреварување додека Рапид Виена како третопласирана ќе оди во Лигата на конференции, а Генк испаѓа. Рапид славеше со 1:0 над Генк и со тоа заврши трет.
А европска пролет избори и Црвена Звезда со ремито против Брага во Португалија. Резултатот 1:1 ја однесе Звезда на чело во групата Ф со 11 бода, Брага заврши како втора со 10 бода, Митјиланд не успеа да го победи Лудогорец (0:0) и остана на третото место со 9 бода и ќе патува во ЛК.
Во наредната фаза патуваат уште Галатасарај, Лацио, Леверкузен, Бетис.
На другите мечеви:
Селтик – Бетис 3:2
Ференцварош – Леверкузен 1:0
Генк – Рапид 0:1
Лацио – Галатасарај 0:0
Лугодорец – Митјиланд 0:0
Марсеј – Локомотив Москва 1:0
