Кошаркарите на Милвоки го победија на гости Хјустон со 123-114 благодарение на Јанис Адетокумбо. Грчкиот ѕвер доминираше под обрачите на оваа средба, мечот го заврши со 41 поен, 17 скока, пет асистенции и две блокади.
🦌 41 PTS, 17 REB, 5 AST 🦌@Giannis_An34 delivers a monster performance to power the @Bucks to the win! pic.twitter.com/ttNTnKebaj
— NBA (@NBA) December 11, 2021
Адетокумбо погоди 15 од 19 на овој натпревар. На другата страна Рокетси беа едноставно немоќни немаа решение за неговата игра.
Милвоки го запиша 17 триумф со 10 порази се наоѓа на третото место на табелата во Истокот, додека пак Хјустон оваа сезона се мачи, засега е на 13. место во Западната конференција.
Лука Дончиќ и Далас продолжуваат во темпото „топло-ладно“. Џејсон Кид и неговите избраници беа поразени од Индијана со 106-93. Пејсерси водеа речиси три четвртини, по што Далас со серија од 13-4 стигнаа на 80-75. Но, следеше нов налет на Индијана, за сигурен триумф.
Најголем проблем за Далас беше очјаниот шут за три поени (4/29), со истиот постанаа првиот тим во НБА-лигата, кој оваа сезона на три меча за три поени има реализација под 20%.
Дончиќ беше близу до трипл-дабл, дуелот го заврши со 27 поени, 9 скока и 9 асистенции, кои не беа доволни за победа. На другата страна Карис Леверт постигна 26 поени.
РЕЗУЛТАТИ
Шарлот – Сакраменто 124: 123
Индијана – Далас 106:93
Атланта – Бруклин 105: 113
Торонто – Њујорк 90:87
Хјустон – Милвоки 114:123
Минесота – Кливленд 106:123
Њу Орлеанс – Детроит 109: 93
Оклахома – ЛА Лејкерс 95: 116
Феникс – Бостон 111:90
