Три големи дербија донесе новата ждрепка во 1/8 финалето во ЛШ. Лео Меси и ПСЖ ќе игра со Реал Мадрид, Јунајтед се среќава со Атлетико Мадрид, а Интер со Ливерпул.
Ова се конечните двојки за 1/8 финалето, сега немаше грешки.
Инаку првите мечеви од оваа фаза во Лигата на Шампионите се закажани за 15/16 и 22/23 февруари, додека реваншите се играат на 8/9 и 15/16 март. Додека ждрепката за 1/4 и 1/2 финалето ќе се одржи на 18 март.
Познато е дека во случај на нерешен резултат по двете средби веќе не важи правилото гол на гости.
Големото финале во Лигата на Шампионите е закажано за 28 мај 2022 во Санкт Петербург.
По скандалот што се случи во УЕФА при првата ждрепка одржана во 12 часот во Лигата на Шампионите за 1/8 финалето, се “одработи“ нова, повторена ждрепка, и тоа во 15 часот. Ова веројатно се случи за првпат во историјата на УЕФА, да се повтори ждрепката во едно натпреварување и тоа поради, како што објаснија од Нион, поради технички проблеми или проблеми со софтверот.
ДВОЈКИ ЗА 1/8 ФИНАЛЕ ВО ЛШ
РЕД БУЛ САЛЦБУРГ – БАЕРН МИНХЕН
СПОРТИНГ ЛИСАБОН – МАНЧЕСТЕР СИТИ
БЕНФИКА – АЈАКС
ЧЕЛЗИ – ЛИЛ
АТЛЕТИКО МАДРИД – МАНЧЕСТЕР ЈУНАЈТЕД
ВИЛЈАРЕАЛ – ЈУВЕНТУС
ИНТЕР – ЛИВЕРПУЛ
ПСЖ – РЕАЛ МАДРИД
