Аргентинскиот напаѓач Пауло Дибала кој игра во Јувентус зборуваше за „Калчомеркато“ на многу фудбалски теми, а падна и прашање што посакува за новата 2022 година.
„Листата секогаш е долга, сакам многу работи, некои се остварливи некои се помалку остварливи. На фудбалски план би сакал да ја освојам Лигата на шампиони со Јувентус. Со оглед дека идната година се игра Светско првенство, да го освојам трофејот со Аргентина би било фантастично. Имам многу желби, ако Дедо Мраз ми ги донесе овие работи би бил среќен“, изјави Дибала кој во интервјуто откри дека идоли од детството му биле Рикелме и Роналдињо.
