Лидерот во македонскиот шампионат, екипата на Пелистер доживеа пораз во „балонот“ во АБА-2 лигата и загуби од големиот фаворит и лидер Борац Бања Лука (86:101). Битолчани имаа многу проблеми пред мечот, тренерот Марјан Илиевски имаше само шест кошаркари за ротација и по првата четвртина имаа висока негатива. Во втората четвртина се вратија по негатива од 14 поени и на полувреме имаа и предност. Потоа паднаа.
Противникот направи серија 0-13 што беше и клучна во триумфот. Кај Пелистер најдобар беше Малешевиќ со 24 поени, а Стајиќ и Кесар дадоа по 18. Инаку ова е петтиот пораз на битолчани по шест кола во АБА 2.
