Македонскиот репрезентативен голман, Никола Митревски и Порто продолжуваат без пораз во португалскиот шампионат. На домашен терен го совладаа Агуас Сантос со убедливи 38-26 и дојдоа до 12. триумф во низа оваа сезона.
Лидер на табелата е Спортинг, кој има еден меч повеќе, односно една победа повеќе.
Порто овој дуел го реши уште во првото полувреме, по кое имаше предност од 21-8, до крајот ја имаше полесната задача.
Митревски беше одличен на голот, запиша 12 интервенции или 30% успешност.
